白日夢
《白日夢》Pe̍h-ji̍t-bāng
劉依純Lâu I-sûn
——————————————
春夏過秋冬
tshun-hā kuè tshiu-tang
青春左右一場夢
tshing-tshun tsó-iū tsi̍t-tiûnn bāng
心內有石頭硩胸坎
sim-lāi ū tsio̍h-thâu teh hing-khám
因為彼當時
in-uī hit-tong-sî
心中蹛著一个人
sim-tiong tuà tio̍h tsi̍t-ê lâng
離開賰目屎做記念
lī-khui tshun ba̍k-sái tsuè kì-liām
一年過一冬
tsi̍t-nî kuè tsi̍t-tang
開好情花送雨淋
khui hó tsîng-hue sàng hōo lâm
總等無你講的彼一工
tsóng tán bô lí kóng ê hit tsi̍t-kang
是阮愛做夢
sī gún ài tsuè-bāng
抑是好運早用空
ia̍h-sī hó-ūn tsá īng khang
求一份真情遮困難
kiû tsi̍t-hūn tsin-tsîng tsiah khùn-lân
白日夢
pe̍h-ji̍t-bāng
白日夢
pe̍h-ji̍t-bāng
白白空空心亂亂
pe̍h-pe̍h khang-khang sim luān-luān
幸福佮阮覕相藏
hīng-hok kah gún bih-sio-tshàng
白日夢
pe̍h-ji̍t-bāng
白日夢
pe̍h-ji̍t-bāng
浮浮茫茫淚澹澹
phû-phû bâng-bâng luī tâm-tâm
決心欲愛就毋通怨
kuat-sim beh ài tiō m̄-thang uàn
秋來又逢冬
tshiu lâi iū hông tang
青絲變成白頭鬃
tshing-si piàn-sîng pe̍h thâu-tsang
是毋是我
sī-m̄-sī guá
不該一直等
put-kai it-ti̍t tán
一句你愛我
tsi̍t-kù lí ài guá
簡單縛阮一世人
kán-tan pa̍k gún tsi̍t-sì-lâng
騙阮的心提來送
phiàn gún ê sim the̍h-lâi sàng
