愛情花開
《愛情花開》Ài-tsîng-hue Khui
劉依純Lâu I-sûn
——————————————
你總是
lí tsóng-sī
佇阮失志的時
tī gún sit-tsì ê sî
恬恬顧佇阮身邊
tiām-tiām kòo tī gún sin-pinn
雖然有時會惹你受氣
sui-jiân ū-sî ē jiá lí siūnn-khì
你用笑化解危機
lí iōng tshiò huà-kái guî-ki
感謝你
kám-siā lí
佇欲放棄的時
tī beh hòng-khì ê sî
堅守著這段感情
kian-siú tio̍h tsit tuānn kám-tsîng
看愛情花開一蕊一蕊
khuànn ài-tsîng-hue khui tsi̍t-luí-tsi̍t-luí
溢出芬芳的芳味
ik tshut hun-hong ê phang-bī
愛你
ài lí
是上美麗的代誌
sī siōng bí-lē ê tāi-tsì
這段青春攏交予你
tsit tuānn tshing-tshun lóng kau hōo lí
毋管時間經過偌濟年
m̄-kuán sî-kan king-kuè guā-tsuē nî
將來的緣份是毋是你
tsiong-lâi ê iân-hūn sī-m̄-sī lí
愛你
ài lí
是上甜蜜的代誌
sī siōng tinn-bi̍t ê tāi-tsì
講好袂來隨便放棄
kóng-hó buē lâi suî-piān hòng-khì
毋管了後結局是啥物
m̄-kuán liáu-āu kiat-kio̍k sī siánn-mih
你的笑容
lí ê tshiò-iông
是阮的安慰
sī gún ê an-uì
