想欲問你
《想欲問你》Siūnn-beh Mn̄g Lí
劉依純Lâu I-sûn
——————————————
想欲問你
siūnn-beh mn̄g lí
阮對你到底算啥物
gún tuì lí tàu-té sǹg siánn-mih
有時對阮真熱情
ū-sî tuì gún tsin jia̍t-tsîng
有時對阮冷冰冰
ū-sî tuì gún líng ping-ping
叫阮欲怎樣平靜
kiò gún beh tsuánn-iūnn pîng-tsīng
若是無心
nā-sī bô-sim
不應該將阮來創治
put ing-kai tsiong gún lâi tshòng-tī
你敢知女人的心
lí kám tsai lú-jîn ê sim
為情為愛
uī tsîng uī ài
啥物攏犧牲
siánn-mih lóng hi-sing
阮對你心遐爾深
gún tuì lí sim hiah-nī tshim
情遐爾深
tsîng hiah-nī tshim
你哪通無要無緊
lí ná thang bô-iàu-bô-kín
愛情是清芳的花
ài-tsîng sī tshing-phang ê hue
攏用心栽培
lóng iōng-sim tsai-puê
才有永遠的美麗
tsiah ū íng-uán ê bí-lē
阮雖然對你一个
gún sui-jiân tuì lí tsi̍t-ê
愛你無假
ài lí bô ké
也毋願予你欺騙
iā m̄-guān hōo lí khi-phiàn
你若是毋願認真
lí nā-sī m̄-guān jīn-tsin
佮阮做伙
kah gún tsò-hué
阮只好去愛別的
gún tsí-hó khì ài pa̍t–ê
