雨落遮爾大
《雨落遮爾大》Hōo Lo̍h Tsiah-nī Tuā
劉依純Lâu I-sûn
——————————————
外面雨落遮爾大
guā-bīn hōo lo̍h tsiah-nī tuā
是我無夠勇氣吧
sī guá bô-kàu ióng-khì–pah
明知勉強來行
bîng-tsai bián-kióng lâi kiânn
只會換來
tsí ē uānn lâi
痛苦的生活
thòng-khóo ê sing-ua̍h
一首稀微的情歌
tsi̍t-siú hi-bî ê tsîng-kua
苦澀無奈的心情
khóo-siap bô-nāi ê sim-tsiânn
應該對頭開始
ìng-kai tuì-thâu khai-sí
抑是選擇
ia̍h-sī suán-ti̍k
一个人生活
tsi̍t-ê-lâng sing-ua̍h
我只要有你來做伴
guá tsí-iàu ū lí lâi tsuè-phuānn
簡單的生活
kán-tan ê sing-ua̍h
你意愛花花世界
lí ì-ài hua-hua sè-kài
五光十色
gōo-kng tsa̍p-sik
表面的虛華
piáu-bīn ê hi-hua
愛情一旦消失啊
ài-tsîng it-tàn siau-sit–ah
幸福早就看無影
hīng-hok tsá tiō khuànn-bô iánn
將目屎拭予焦
tsiong ba̍k-sái tshit hōo ta
再會吧
tsài-huē–pah
這陣雨落遮爾大
tsit-tsūn hōo lo̍h tsiah-nī tuā
無愛無心無疼
bô ài bô sim bô thiànn
毋管雨落遮大
m̄-kuán hōo lo̍h tsiah tuā
將過去放予散
tsiong kuè-khì pàng hōo suànn
所以咱就行到遮
sóo-í lán tiō kiânn kàu tsia
心愛的人
sim-ài ê lâng
就再會吧
tiō tsài-huē–pah
過去就過去啦
kuè-khì tiō kuè-khì–lah
有情無情準煞
ū-tsîng bô-tsîng tsún suah
—
雨傘留予你吧
hōo-suànn lâu hōo lí–pah
毋管雨落偌大
m̄-kuán hōo lo̍h guā tuā
我的悲傷快樂
guá ê pi-siong khuài-lo̍k
佮你無關啊
kah lí bô kuan–ah
甘願一个人無伴
kam-guān tsi̍t-ê-lâng bô-phuānn
好過兩人更加孤單
hó kuè nn̄g-lâng kìng-ka koo-tuann
以後你的感情
í-āu lí ê kám-tsîng
換別人來心疼
uānn pa̍t-lâng lâi sim thiànn
