將伊放袂記
《將伊放袂記》Tsiong I Pàng-bē-kì
劉依純Lâu I-sûn
——————————————
踮這个城市
tiàm tsit ê siânn-tshī
傷心的人是滿滿是
siong-sim ê lâng sī muá-muá-sī
幸福的坐位
hīng-hok ê tsē-uī
欲按怎攏有人佔位
beh án-tsuánn lóng ū-lâng tsiàm-uī
繁華路燈閃閃爍
huân-huâ lōo-ting siám-siám-sih
會當怨嘆啥物
ē-tàng uàn-thàn siánn-mih
是苦抑是甜
sī khóo ia̍h-sī tinn
何必閣提起
hô-pit koh thê-khí
再會兩个字
tsài-huē nn̄g-ê jī
阮怎有勇氣講出喙
gún tsuánn ū ióng-khì kóng tshut-tshuì
傷心的滋味
siong-sim ê tsu-bī
愛偌久才通放袂記
ài guā kú tsiah thang pàng-buē-kì
朋友真心的安慰
pîng-iú tsin-sim ê an-uì
快樂情緒暫時
khuài-lo̍k tsîng-sū tsiām-sî
散場的電影
suànn-tiûnn ê tiān-iánn
就隨人離開
tiō suî-lâng lī-khui
心情起起落落
sim-tsîng khí-khí-lo̍h-lo̍h
放袂開
pàng buē khui
感情來來去去
kám-tsîng lâi-lâi-khì-khì
無準備
bô tsún-pī
目屎一滴一滴
ba̍k-sái tsi̍t-tih-tsi̍t-tih
阮猶閣有啥地位
gún iáu-koh ū siánn tē-uī
情海浮浮沉沉
tsîng-hái phû-phû-tîm-tîm
遮濟年
tsiah tsuē nî
換來平平凡凡的日子
uānn lâi pîng-pîng-huân-huân ê ji̍t-tsí
感情放予伊去
kám-tsîng pàng hōo i khì
將伊來放袂記
tsiong i lâi pàng-buē-kì
