慶上元
《慶上元》Khìng Siōng-guân
劉士嘉Lâu Sū-ka
——————————————
十四結燈棚
tsa̍p-sì kiat ting-pênn
十五元宵暝
tsa̍p-gōo Guân-siau-mê
元宵燈滿滿是
Guân-siau-ting muá-muá-sī
歡天喜地笑微微
huann-thinn hí-tē tshiò bî-bî
啊看花燈啊遊街市
ah khuànn hue-ting–ah iû ke-tshī
求龜下願正當時
kiû-ku hē-guān tsiànn-tong-sî
神明有聖來保庇
sîn-bîng ū-siànn lâi pó-pì
年年豐收大趁錢
nî-nî hong-siu tuā thàn-tsînn
十四結燈棚
tsa̍p-sì kiat ting-pênn
十五元宵暝
tsa̍p-gōo Guân-siau-mê
上元節好日子
Siōng-guân-tseh hó ji̍t-tsí
來食圓仔慶團圓
lâi tsia̍h înn-á khìng thuân-înn
猜燈謎啊真趣味
tshai ting-bī–ah tsin tshù-bī
毋通鋤頭臆畚箕
m̄-thang tî-thâu ioh pùn-ki
臆雨後春筍臆新竹
ioh ú-hiō tshun-sún ioh Sin-tik
四季四春臆恆春
sù-kuì sù-tshun ioh Hîng-tshun
十四結燈棚
tsa̍p-sì kiat ting-pênn
十五元宵暝
tsa̍p-gōo Guân-siau-mê
元宵燈滿滿是
Guân-siau-ting muá-muá-sī
歡天喜地笑微微
huann-thinn hí-tē tshiò bî-bî
啊看花燈啊遊街市
ah khuànn hue-ting–ah iû ke-tshī
求龜下願正當時
kiû-ku hē-guān tsiànn-tong-sî
神明有聖來保庇
sîn-bîng ū-siànn lâi pó-pì
年年豐收大趁錢
nî-nî hong-siu tuā thàn-tsînn
年年豐收大趁錢
nî-nî hong-siu tuā thàn-tsînn
年年豐收大趁錢
nî-nî hong-siu tuā thàn-tsînn
