年
《年》Nî
劉士嘉Lâu Sū-ka
——————————————
正月正啊正月正
tsiann-gue̍h tsiann–ah tsiann-gue̍h tsiànn
啊請囝婿入大廳
ah tshiánn kiánn-sài ji̍p tuā-thiann
二月二二月二
jī-gue̍h jī jī-gue̍h jī
土地公生搬老戲
Thóo-tē-kong sinn puann lāu-hì
啊~三月三
ah~ sann-gue̍h sann
掃墓牲醴雙頭擔
sàu-bōng sing-lé siang-thâu tann
啊~四月四
ah~ sì-gue̍h sì
桃仔來李仔去
thô-á lâi lí-á khì
五月五五月五
gōo-gue̍h gōo gōo-gue̍h gōo
龍船鼓滿街路
lîng-tsûn kóo muá ke-lōo
六月六六月六
la̍k-gue̍h la̍k la̍k-gue̍h la̍k
你踏水車我拍磟碡
lí ta̍h tsuí-tshia guá phah la̍k-ta̍k
七月七七月七
tshit-gue̍h tshit tshit-gue̍h tshit
牛郎織女相會日
Gû-nn̂g Tsit-lí siong-huē ji̍t
八月八八月八
peh-gue̍h peh peh-gue̍h peh
月娘圓圓中秋節
ge̍h-niû înn-înn Tiong-tshiu-tseh
啊~九月九
ah~ káu-gue̍h káu
重陽風吹滿天吼
Tiông-iông hong tshue muá-thinn háu
啊~十月十
ah~ tsa̍p-gue̍h tsa̍p
三界公來鑒納
Sam-kài-kong lâi kàm-la̍p
十一月年兜邊
tsa̍p-tsi̍t-gue̍h nî-tau pinn
家家戶戶來挲圓
ka-ka-hōo-hōo lâi so-înn
十二月十二月
tsa̍p-jī-ge̍h tsa̍p-jī-ge̍h
你來燃火我來炊粿
lí lâi hiânn-hué guá lâi tshue-kué
