大甲媽祖
《大甲媽祖》Tāi-kah Má-tsóo
劉育綾Lâu Io̍k-lîng
——————————————
大甲媽祖最靈感
Tāi-kah Má-tsóo tsuè lîng-kám
唐山過臺灣
Tn̂g-suann kuè Tâi-uân
媽祖通人知
Má-tsóo thong-lâng tsai
唐山過臺灣
Tn̂g-suann kuè Tâi-uân
媽祖通人知
Má-tsóo thong-lâng tsai
大甲媽祖真慈愛
Tāi-kah Má-tsóo tsin tsû-ài
香火真正旺
hiunn-hué tsin-tsiànn ōng
誠心有保庇
sîng-sim ū pó-pì
靈感全世界
lîng-kám tsuân sè-kài
唐山過臺灣
Tn̂g-suann kuè Tâi-uân
媽祖通人知
Má-tsóo thong-lâng tsai
大甲媽祖真慈愛
Tāi-kah Má-tsóo tsin tsû-ài
香火真正旺
hiunn-hué tsin-tsiànn ōng
誠心有保庇
sîng-sim ū pó-pì
靈感全世界
lîng-kám tsuân sè-kài
三月二三
sann-gue̍h jī-sann
媽祖的生日
Má-tsóo ê senn-ji̍t
善男信女
siān-lâm-sìn-lí
朝拜滿滿是
tiâu-pài muá-muá-sī
鼓聲響拄天
kóo-siann hiáng tú-thinn
炮聲連連是
phàu-siann liân-liân-sī
鬧熱鬧熱
lāu-jia̍t lāu-jia̍t
快樂的日子
khuài-lo̍k ê ji̍t-tsí
逐家趕緊相招咱來去
ta̍k-ke kuánn-kín sio-tsio lán lâi-khì
燒香媽祖對咱有保庇
sio-hiunn Má-tsóo tuì lán ū pó-pì
保庇咱閤家平安食百二
pó-pì lán ha̍p-ka pîng-an tsia̍h pah-jī
咱的感情事業真順利
lán ê kám-tsîng sū-gia̍p tsin sūn-lī
祝福咱逐家大趁錢
tsiok-hok lán ta̍k-ke tuā thàn-tsînn
