神祕書生
《神祕書生》Sîn-pì Su-sing
林松義Lîm Siông-gī
——————————————
堂堂是一个男性
tông-tông sī tsi̍t-ê lâm-sìng
何必為情心頭疑
hô-pit uī tsîng sim-thâu gî
自昔日淪落江湖
tsū sik-ji̍t lûn-lo̍h kang-ôo
已經過半生
í-king kuè puàn-sing
孤一个行東往西
koo tsi̍t-ê kiânn tang óng sai
恩愛是非心分明
un-ài sī-hui sim hun-bîng
為人來打抱不平
uī lâng lâi tá-phāu put-phîng
毋驚捨前程
m̄-kiann siá tsiân-thîng
烏暗中為人度命
oo-àm tiong uī lâng tōo- miā
天星做路燈
thinn-tshinn tsuè lōo-ting
堂堂是一个男性
tông-tông sī tsi̍t-ê lâm-sìng
何必失志心憂悶
hô-pit sit-tsì sim iu-būn
阮佮意流浪江湖
gún kah-ì liû-lōng kang-ôo
自由像浮雲
tsū-iû tshiūnn phû-hûn
一个人逍遙自在
tsi̍t-ê-lâng siau-iâu tsū-tsāi
無想情愛佮仇恨
bô siūnn tsîng-ài kah siû-hūn
為人來幫助困難
uī lâng lâi pang-tsōo khùn-lân
是阮的本份
sī gún ê pún-hūn
可比是海中
khó-pí sī hái-tiong
一隻仁義的渡船
tsi̍t-tsiah jîn-gī ê tōo-tsûn
