甘國寶過臺灣(主題曲)
《甘國寶過臺灣》Kam Kok-pó Kuè Tâi-uân(主題曲)
方瑞娥Png Suī-ngôo
——————————————
少年糊塗愛放蕩
siàu-liân hôo-tôo ài hòng-tōng
非為亂做心發狂
hui-uî luān-tsuè sim huat-kông
毋管爸母來阻擋
m̄-kuán pē-bú lâi tsóo-tòng
漂流異鄉受風霜
phiau-liû ī-hiong siū hong-song
走投無路求同情
tsáu-tâu bô-lōo kiû tông-tsîng
予人恥笑心不平
hōo-lâng thí-tshiò sim put-phîng
啊~求人不如求自己
ah~ kiû lâng put-jû kiû tsū-kí
男子應該
lâm-tsú ing-kai
著愛有志氣
tio̍h-ài ū tsì-khì
浪子回頭金不換
lōng-tsú huê-thiô kim put-huān
男兒立志出鄉關
lâm-jî li̍p-tsì tshut hiong-kuan
世事如棋多變化
sè-sū jû kî to piàn-huà
巧遇奇緣得大官
khá-gū kî-iân tit tuā-kuann
早日落魄無人認
tsá-ji̍t lo̍k-phik bô-lâng jīn
今日富貴全是親
kim-ji̍t hù-kuì tsuân sī tshin
啊~人生可比若眠夢
ah~ jîn-sing khó-pí ná bîn-bāng
幸運若到
hīng-ūn nā kàu
變成富貴人
piàn-sîng hù-kuì lâng
