永遠的太陽
《永遠的太陽》Íng-uán ê Thài-iông
傑克Kia̍t-khik (周佳宏Tsiu Ka-hông)
——————————————
人生這條路
jîn-sing tsit tiâu lōo
有時甜有時苦
ū-sî tinn ū-sî khóo
我會像
guá ē tshiūnn
風雨中的日頭
hong-ú-tiong ê ji̍t-thâu
予恁快樂
hōo lín khuài-lo̍k
予恁幸福
hōo lín hīng-hok
頭前的這條路
thâu-tsîng ê tsit tiâu lōo
毋管有偌濟的艱苦
m̄-kuán ū guā-tsuē ê kan-khóo
我會用我的性命
guá ē iōng guá ê sìnn-miā
共恁照顧
kā lín tsiàu-kòo
一枝草一點露
tsi̍t-ki tsháu tsi̍t-tiám lōo
認真拍拚
jīn-tsin phah-piànn
才會成功
tsiah ē sîng-kong
啊~相信天無絕人之路
ah~ siong-sìn thinn bô tsua̍t-jîn tsi lōo
我會勇敢向前衝
guá ē ióng-kám hiòng-tsiân tshiong
好好行著人生的路
hó-hó kiânn tio̍h jîn-sing ê lōo
為著恁
uī-tio̍h lín
我會比別人
guá ē pí pa̍t-lâng
閣較堅強
koh-khah kian-kiông
我會勇敢向前衝
guá ē ióng-kám hiòng-tsiân tshiong
毋驚風雨中的波浪
m̄-kiann hong-ú-tiong ê pho-lōng
因為我
in-uī guá
欲做恁永遠的太陽
beh tsuè lín íng-uán ê thài-iông
