不求人
《不求人》Put-kiû-jîn
楊小萍Iûnn Sió-phîng
——————————————
冷淡的世界
líng-tām ê sè-kài
現實的相對待
hiān-si̍t ê sio tuì-thāi
一人一家代
tsi̍t-lâng tsi̍t-ke tāi
公媽隨人祀
kong-má suî-lâng tshāi
人愈親愈相害
lâng jú tshin jú sio-hāi
家己刣趁腹內
ka-kī thâi thàn pak-lāi
串騙攏騙熟似
tshuàn phiàn lóng phiàn si̍k-sāi
熟似人摃袂哀
si̍k-sāi-lâng kòng buē ai
人生海海
jîn-sing hái-hái
鳥鼠仔尾也想欲釣鮕鮘
niáu-tshú-á bué iā siūnn-beh tiò koo-tai
人生海海
jîn-sing hái-hái
橫柴也想欲夯入灶空內
huînn tshâ iā siūnn-beh giâ ji̍p tsàu-khang lāi
啊~悲哀啊悲哀
ah~ pi-ai–ah pi-ai
相公相毋知
siòng-kong siòng m̄-tsai
白板碰發財
pe̍h-pán phòng huat-tsâi
啊~期待啊期待
ah~ kî-thāi–ah kî-thāi
面清不求人
bīn-tshing put-kiû-jîn
自摸加三台
tsū-bong ke sann-tâi
