雨中花
《雨中花》Ú-tiong Hue
陳芬蘭Tân Hun-lân
——————————————
風蕭蕭吹花欉
hong siau-siau tshue hue-tsâng
雨淒淒摧花蕊
hōo tshe-tshe tshui hue-luí
可憐的姑娘
khó-liân ê koo-niû
到處去流浪
tàu-tshù khì liû-lōng
毋驚風吹毋驚雨
m̄-kiann hong tshue m̄-kiann hōo
毋驚種種苦
m̄-kiann tsióng-tsióng khóo
毋驚處處難
m̄-kiann tshù-tshù lân
只要努力來奮鬥
tsí-iàu lóo-li̍k lâi hùn-tàu
雨過天青見光明
hōo kuè thinn tshing kìnn kong-bîng
啊~花葉青青花嬌媚
ah~ hue-hio̍h tshinn-tshinn hue kiau-bī
月光光炤人影
ge̍h kng-kng tshiō lâng-iánn
心茫茫孤單行
sim bông-bông koo-tuann kiânn
可憐的姑娘
khó-liân ê koo-niû
到處無依倚
tàu-tshú bô i-uá
有路無厝通好蹛
ū lōo bô tshù thang-hó tuà
甘願受勞苦
kam-guān siū lô-khóo
甘願受拖磨
kam-guān siū thua-buâ
毋願傷心哭出聲
m̄-guān siong-sim khàu tshut-siann
心望早日出頭天
sim bāng tsá-ji̍t tshut-thâu-thinn
啊~怨嘆命運無怨天
ah~ uàn-thàn miā-ūn bô uàn thian
天清清花當開
thinn tshing-tshing hue tng-khui
風微微送芳味
hong bî-bî sàng phang-bī
可愛的鄉里
khó-ài ê hiunn-lí
快樂的春天
khuài-lo̍k ê tshun-thinn
逐家團圓心歡喜
ta̍k-ke thuân-înn sim huann-hí
毋免閣再苦
m̄-bián koh-tsài khóo
毋免再拖磨
m̄-bián tsài thua-buâ
一切艱苦變快活
it-tshè kan-khóo pìnn khuìnn-ua̍h
心愛伴侶在身邊
sim-ài phuānn-lī tsāi sin-pinn
啊~青春花蕊放心開
ah~ tshing-tshun hue-luí pàng sim khui
