蝴蝶夫人
《蝴蝶夫人》Ôo-tia̍p Hu-jîn
郭金發Kueh Kim-huat
——————————————
人叫伊蝴蝶夫人
lâng kiò i ôo-tia̍p hu-jîn
生做真標致
sinn-tsuè tsin phiau-tì
伊到底等啥人
i tàu-tué tán siánn-lâng
徛在港岸墘
khiā tsāi káng-huānn kînn
無情的冷霜雨
bô-tsîng ê líng-sng hōo
又來毛毛辜負你
iū lâi mn̂g-mn̂g koo-hū lí
船螺聲吱吱吱
tsûn-lê siann ki ki ki
啊~動人心哀悲
ah~ tōng lâng sim ai-pi
啦~動人心哀悲
lah~ tōng lâng sim ai-pi
人知伊蝴蝶夫人
lâng tsai i ôo-tia̍p hu-jîn
思念一个人
su-liām tsi̍t-ê lâng
三年前怹兩人
sann-nî tsîng in nn̄g-lâng
熱戀心茫茫
jia̍t-luân sim bâng-bâng
為怎樣來分離
uī tsuánn-iūnn lâi hun-lî
擔誤著伊青春夢
tam-gōo tio̍h i tshing-tshun bāng
害著伊守空房
hāi-tio̍h i siú khang-pâng
啊~已經有三冬
ah~ í-king ū sann-tang
啦~已經有三冬
lah~ í-king ū sann-tang
人講伊蝴蝶夫人
lâng kóng i ôo-tia̍p hu-jîn
純情的女性
sûn-tsîng ê lú-sìng
害我的彼的人
hāi guá ê hit ê lâng
實在真無情
si̍t-tsāi tsin bô-tsîng
無半張批信來
bô puànn-tiunn phue-sìn lâi
溫暖著伊心頭冷
un-luán tio̍h i sim-thâu líng
傷心淚流袂停
siong-sim luī lâu buē-thîng
啊~怨嘆一直想
ah~ uàn-thàn it-ti̍t siūnn
啦~怨嘆一直想
lah~ uàn-thàn it-ti̍t siūnn
