一筆抹銷
《一筆抹銷》Tsi̍t-pit Buah-siau
張秀卿Tiunn Siù-khing
——————————————
情花凋落綴水流
tsîng-hue tiau-lo̍h tuè tsuí lâu
舊夢已經隨風飄
kū-bāng í-king suî hong phiau
今夜街路靜悄悄
kim-iā ke-lōo tsīng-tshiau-tshiau
賰我徘徊感情路口
tshun guá pâi-huê kám-tsîng lōo-kháu
苦酒歹啉吞落喉
khóo-tsiú pháinn-lim thun lo̍h-âu
為情傷心免不了
uī tsîng siong-sim bián-put-liáu
這首戀歌
tsit siú luân-kua
唱無仝調
tshiùnn bô-kāng tiāu
再三追求攏無效
tsài-sann tui-kiû lóng bô-hāu
一筆抹銷放你走
tsi̍t-pit buah-siau pàng lí tsáu
目屎哭焦袂閣吼
ba̍k-sái khàu ta buē koh háu
踏出跤步毋回頭
ta̍h-tshut kha-pōo m̄ huê-thâu
莫閣戇矣
mài koh gōng–ah
為你等候
uī lí tán-hāu
