啥人無想行好路
《啥人無想行好路》Siánn-lâng Bô Siūnn Kiânn Hó-lōo
洪榮宏Âng Îng-hông
——————————————
啊~啥人毋想行好路
ah~ siánn-lâng m̄ siūnn kiânn hó-lōo
啥人毋想行好路
siánn-lâng m̄ siūnn kiânn hó-lōo
–
人生宛然像旅途
jîn-sing uán-jiân tshiūnn lú-tôo
啥人毋想行好路
siánn-lâng m̄ siūnn kiânn hó-lōo
你歡喜
lí huann-hí
我歡喜
guá huann-hí
為著世俗來造福
uī-tio̍h sè-sio̍k lâi tsō-hok
互相慈悲
hōo-siong tsû-pi
互相照顧
hōo-siong tsiàu-kòo
滿面笑容憂愁無
muá-bīn tshiò-iông iu-tshiû bô
啊~人人天福報
ah~ lâng-lâng thian hok-pò
家家戶戶真快樂
ke-ke-hōo-hōo tsin khuài-lo̍k
人生宛然像旅途
jîn-sing uán-jiân tshiūnn lú-tôo
你我著來行好路
lí guá tio̍h lâi kiânn hó-lōo
我為你
guá uī lí
你為我
lí uī guá
若有關心袂痛苦
nā ū kuan-sim bē thòng-khóo
互相慈悲
hōo-siong tsû-pi
互相照顧
hōo-siong tsiàu-kòo
滿面春風憂愁無
muá-bīn tshun-hong iu-tshiû bô
啊~人人的前途
ah~ lâng-lâng ê tsiân-tôo
得著真正的快樂
tit-tio̍h tsin-tsiànn ê khuài-lo̍k
