秋風夜曲
《秋風夜曲》Tshiu-hong Iā-khik
沈文程Sím Bûn-tîng
——————————————
今夜又是秋風微微
kim-iā iū sī tshiu-hong bî-bî
異鄉的暗暝
ī-hiong ê àm-mî
孤單坐在窗內
koo-tuann tsē tsāi thang-lāi
看對遙遠的天邊
khuànn tuì iâu-uán ê thinn-pinn
猶原是閃閃爍爍
iu-guân sī siám-siám-sih-sih
滿天的天星
muá-thinn ê thinn-tshinn
往事又閣來想起
óng-sū iū-koh lâi siūnn-khí
心愛的彼个人
sim-ài ê hit ê lâng
你到底在哪裡
lí tàu-té tsāi ná-lí
初戀的甜蜜情愛
tshoo-luân ê tinn-bi̍t tsîng-ài
你敢攏猶會記
lí kám lóng iáu ē-kì
為何你會來
uī-hô lí ē lâi
放棄當初的堅持
hòng-khì tong-tshoo ê kian-tshî
受著世俗來束縛你
siū-tio̍h sè-sio̍k lâi sok-pa̍k lí
花開花落
hue khui hue lo̍h
春來秋去
tshun lâi tshiu khì
一年過了又一年
tsi̍t-nî kuè-liáu iū tsi̍t-nî
無論你
bô-lūn lí
是踮在海角
sī tiàm-tsāi hái-kak
抑天邊
ia̍h thinn-pinn
阮猶原深深祝福你
guán iu-guân tshim-tshim tsiok-hok lí
