愛情的金手指
《愛情的金手指》Ài-tsîng ê Kim Tshiú-tsí
吳秀蘭Ngôo Siù-lân
——————————————
你所送的金手指
lí sóo sàng ê kim tshiú-tsí
永遠做為記
íng-uán tsuè-uî kì
表示絕對無變心
piáu-sī tsua̍t-tuì bô piàn-sim
伊是有情義
i sī ū tsîng-gī
無論你去到佗位
bô-lūn lí khì kah tó-uī
我也是等待你
guá iā-sī tán-thāi lí
心愛的人
sim-ài ê lâng
心愛的你
sim-ài ê lí
永遠也等待你
íng-uán iā tán-thāi lí
藻風微微吹海墘
tsó-hong bî-bî tshe hái-kînn
吹動阮心意
tshe-tāng gún sim-ì
想起昔日在港邊
siūnn-khí sik-ji̍t tsāi káng-pinn
糖甘又蜜甜
thn̂g-kam iū bi̍t-tinn
在月娘面前立誓
tsāi ge̍h-niû bīn-tsîng li̍p-sè
金手指做為記
kim tshiú-tsí tsuè-uî kì
初戀彼時
tshoo-luân hit-sî
初戀彼暝
tshoo-luân hit-mî
青春夢過一時
tshing-tshun bāng kè tsi̍t-sî
變成孤單行暗路
piàn-sîng koo-tuann kiânn àm-lōo
心內真艱苦
sim-lāi tsin kan-khóo
男性的話最厲害
lâm-sìng ê uē tsuè lī-hāi
著愛想看覓
tio̍h-ài siūnn khuànn-māi
進無步
tsìn bô-pōo
退也無路
thè iā bô-lōo
情超過
tsîng tshiau-kè
無回頭
bô huê-thâu
誤阮青春
gōo gún tshing-tshun
誤阮一生
gōo gún it-sing
啥人知阮心內
siánn-lâng tsai gún sim-lāi
