情路了斷
《情路了斷》Tsîng-lōo Liáu-tuān
甲子慧Kah-tsí Huī
——————————————
最後一幫
tsuè-āu tsi̍t-pang
離別的火車站
lî-pia̍t ê hué-tshia-tsām
盈暗月色
îng-àm gue̍h-sik
猶原遮淒涼
iu-guân tsiah tshe-liâng
賰阮一人
tshun gún tsi̍t-lâng
面對無聊的玻璃窗
bīn-tuì bô-liâu ê po-lê-thang
聲聲怨嘆聲沉重
siann-siann uàn-thàn siann tîm-tāng
最後一喙燒酒
tsuè-āu tsi̍t-tshuì sio-tsiú
共啉予完
kā lim hōo uân
吞落滿腹思念佇心房
thun-lo̍h muá-pak su-liām tī sim-pâng
樹枝夜鳥
tshiū-ki iā-tsiáu
替我哀傷叫悲慘
thè guá ai-siong kiò pi-tshám
聲聲鬱卒聲擾亂
siann-siann ut-tsut siann jiáu-luān
假使愛情一場夢
khá-sú ài-tsîng tsi̍t-tiûnn bāng
天光就拆分散
thinn kng tiō thiah hun-suànn
緣份的路途
iân-hūn ê lōo-tôo
敢遮有限
kám tsiah iú-hān
等無幸福的車幫
tán-bô hīng-hok ê tshia-pang
等無心愛的彼个人
tán bô sim-ài ê hit ê lâng
從此咱的情路了斷
tsiông-tshú lán ê tsîng-lōo liáu-tuān
