痴情的我煞無人疼
《痴情的我煞無人疼》Tshi-tsîng ê Guá Suah Bô-lâng Thiànn
甲子慧Kah-tsí Huī
——————————————
我對你的心
guá tuì lí ê sim
從來毋捌相瞞
tsiông-lâi m̄-bat sio-muâ
總是希望會
tsóng-sī hi-bāng ē
永遠相依相倚
íng-uán sio-i sio-uá
無疑這段的情
bô-gî tsit tuānn ê tsîng
偏偏來起變卦
phian-phian lâi khí piàn-kuà
只有自己
tsí-ū tsū-kí
唱著寂寞的歌
tshiùnn tio̍h tsi̍k-bo̍k ê kua
這款純情的期待
tsit khuán sûn-tsîng ê kî-thāi
竟然付出遮爾大
kìng-jiân hù-tshut tsiah-nī tuā
暗暗流著目屎
àm-àm lâu tio̍h ba̍k-sái
無人替我拭予焦
bô-lâng thè guá tshit hōo ta
啊~為愛受拖磨
ah~ uī ài siū thua-buâ
敢是阮運命
kám-sī gún ūn-miā
毋捌講出的心聲
m̄-bat kóng-tshut ê sim-siann
你敢會知影
lí kám ē tsai-iánn
啊~孤單的形影
ah~ koo-tuann ê hîng-iánn
啥人來做伴
siánn-lâng lâi tsuè-phuānn
為何痴情的我
uī-hô tshi-tsîng ê guá
如今煞無人疼
jû-kim suah bô-lâng thiànn
