永遠陪伴你
《永遠陪伴你》Íng-uán Puê-phuānn Lí
甲子慧Kah-tsí Huī
——————————————
為著準備你我雙人
uī-tio̍h tsún-pī lí guá siang-lâng
初次的約會
tshoo-tshù ê iok-huē
已經連紲失眠幾若暝
í-king liân-suà sit-bîn kuí-lō mê
應該如何打扮
ing-kai jû-hô tánn-pān
佮你上蓋四配
kah lí siōng-kài sù-phuè
實在是
si̍t-tsāi sī
真頭疼的問題
tsin thâu-thiànn ê būn-tuê
假使你若對阮
khá-sú lí nā tuì gún
講出心肝內的話
kóng-tshut sim-kuann-lāi ê uē
應該回答
ing-kai huê-tap
抑是頭犁犁
ia̍h-sī thâu lê-lê
擔心猶有遐濟
tam-sim iáu-ū hiah tsuē
時間連鞭就過
sî-kan liâm-mi tiō kuè
煞叫阮哪考慮會詳細
suah kiò gún ná khó-lū ē siông-sè
因為阮對你的心
in-uī gún tuì lí ê sim
遐爾仔重視
hiah-nī-á tiōng-sī
從來攏無懷疑
tsiông-lâi lóng bô huâi-gî
只要你疼惜著阮
tsí-iàu lí thiànn-sioh tio̍h gún
表示你心內歡喜
piáu-sī lí sim-lāi huann-hí
海角佮天邊
hái-kak kah thinn-pinn
阮攏嘛佮意陪伴你
gún lóng-mā kah-ì puê-phuānn lí
