點燈也無地揣
《點燈也無地揣》Tiám-ting iā Bô-tè Tshuē
方瑞娥Png Suī-ngôo
——————————————
若是有緣來做伙
nā-sī ū-iân lâi tsuè-hué
一切哪著想遐濟
it-tshè ná-tio̍h siūnn hiah tsuē
若是無緣欲做伙
nā-sī bô-iân beh tsuè-hué
強逼也是袂透尾
kiông-pik iā-sī buē thàu-bué
啊~緣份是
ah~ iân-hūn sī
緣份是由天控制
iân-hūn sī iû thinn khòng-tsè
絕對毋是
tsua̍t-tuì m̄-sī
毋是生理買賣
m̄-sī sing-lí bé-bē
你若是欲反背啊
lí nā-sī beh huán-puē–ah
你若是欲反背
lí nā-sī beh huán-puē
千算萬算
tshian-sǹg bān-sǹg
不如天咧畫一劃
put-jû thinn teh uē tsi̍t-ue̍h
用真心佮你交陪
iōng tsin-sim kah lí kau-puê
相信你
siong-sìn lí
三更半暝點燈火
sann-kinn-puànn-mî tiám ting-hué
也無地揣
iā bô-tè tshuē
