迷路的心
《迷路的心》Bê-lōo ê Sim
王俊傑Ông Tsùn-kia̍t
——————————————
踏入去伊的心內底
ta̍h ji̍p-khì i ê sim lāi-té
看是毋是
khuànn sī-m̄-sī
愛有我遮濟
ài ū guá tsiah tsuē
愛重頭輕
ài tāng-thâu-khin
才會遮狼狽
tsiah ē tsiah liông-puē
心已迷路
sim í bê-lōo
四界咧徘徊
sì-kè teh pâi-huê
揣無路
tshuē-bô lōo
通轉去心內底
thang tńg-khì sim-lāi-té
好好看覓
hó-hó khuànn-māi
愛猶賰偌濟
ài iáu tshun guā-tsuē
毋知曾經是真是假
m̄-tsai tsan-king sī tsin sī ké
茫茫渺渺
bông-bông biáu-biáu
毋知怎掰會
m̄-tsai tsuánn pué-huē
啊!緣若盡
ah! iân nā tsīn
份已煞
hūn í suah
烏雲飄來
oo-hûn phiau–lâi
將天遮一半
tsiong thinn jia tsi̍t-puànn
目屎流
ba̍k-sái lâu
雨遐大
hōo hiah tuā
雷公爍爁
luî-kong sih-nah
替阮哭出聲
thè gún khàu tshut-siann
無愛我
bô-ài guá
放捒我
pàng-sak guá
閃電彷彿
siám-tiān hóng-hut
照著阮的背影
tsiò tio̍h gún ê puē-iánn
是孤單
sī koo-tuann
心無伴
sim bô-phuānn
