流浪劍王子
《流浪劍王子》Liû-lōng Kiàm-ông-tsú
文夏Bûn-hā
——————————————
好春光日暖風和
hó tshun-kong ji̍t luán hong hô
溪谷行過到山坡
khe-kok kiânn kè kàu suann-pho
風景媠有山有河
hong-kíng suí ū suann ū hô
引阮心袂慒
ín gún sim bē tso
日佮暝無煩無惱
ji̍t kah mî bô-huân-bô-ló
東西南北平坡坡
tang-sai-lâm-pak pîng pho-pho
劍王子做人真好
kiàm-ông-tsú tsò-lâng tsin hó
流浪好?迌
liû-lōng hó tshit-thô
今仔日行東往西
kin-á-ji̍t kiânn-tang óng-sai
明日望天來推排
bîng-ji̍t bāng thinn lâi tshui-pâi
流浪命阮知真䆀
liû-lōng miā gún tsai tsin bái
誰知阮心內
siáng tsai gún sim-lāi
看天頂萬里光彩
khuànn thinn-tíng bān-lí kong-tshái
無人對阮敢阻礙
bô-lâng tuì gún kánn tsóo-gāi
劍王子做人慷慨
kiàm-ông-tsú tsò-lâng khóng-khài
流浪走天涯
liû-lōng tsáu thian-gâi
天清清戴著樹影
thinn tshing-tshing tè tio̍h tshiū-iánn
伴著一个流浪囝
phuānn tio̍h tsi̍t-ê liû-lōng-kiánn
啾啾啾聽起鳥聲
tsiú tsiú tsiú thiann-khí tsiáu-siann
引阮心會疼
ín gún sim ē thiànn
阮也是浮萍運命
gún iā-sī phû-phîng ūn-miā
前途無限天註定
tsiân-tôo bô-hān thinn tsù-tiānn
劍王子做人四正
kiàm-ông-tsú tsò-lâng sì-tsiànn
流浪四界行
liû-lōng sì-kè kiânn
