慈母心
《慈母心》Tsû-bió-sim
方瑞娥Png Suī-ngôo
——————————————
這是母親手中線
tse sī bú-tshin tshiú-tiong suànn
為阮做了一領衫
uī gún tsuè-liáu tsi̍t-niá sann
阮欲出門提予我
gún bueh tshut-mn̂g the̍h hōo guá
驚阮出外受風寒
kiann gún tshut-guā siū hong-kuânn
母親疼阮的心肝
bú-tshin thiànn gún ê sim-kuann
懸過山
kuân kuè suann
做人的囝雖盡孝
tsuè-lâng ê kiánn sui tsīn-hàu
無伊疼阮的一半
bô i thiànn gún ê tsi̍t-puànn
自古母囝心相連
tsū-kóo bú-kiánn sim sio-liân
懷念母親是自然
huâi-liām bú-tshin sī tsū-jiân
孟母遷居為囝賢
Bīng-bió tshian-ku uī kiánn hiân
堯舜有孝感動天
Giâu Sùn iú-hàu kám-tōng thian
母親愛阮心無變
bú-tshin ài gún sim bô-piàn
心無變
sim bô-piàn
做人毋聽爸母言
tsuè-lâng m̄ thiann pē-bú giân
將來只有是流連
tsiong-lâi tsí-ū sī liû-lian
故鄉算來千里遠
kòo-hiong sǹg-lâi tshian-lí hn̄g
母親孤單在田庄
bú-tshin koo-tuann tsāi tshân-tsng
黃昏鳥隻欲倒轉
hông-hun tsiáu-tsiah bueh tò-tńg
恨阮不孝心頭酸
hūn gún put-hàu sim-thâu sng
又是中秋著拍算
iū sī tiong-tshiu tio̍h phah-sǹg
早回門
tsá huê-mn̂g
母親為阮白頭毛
bú-tshin uī gún pe̍h thâu-mn̂g
阮愛母親無十全
gún ài bú-tshin bô tsa̍p-tsn̂g
