天涯共明月
《天涯共明月》Thian-gâi Kiōng Bîng-gue̍h
鄔兆邦Oo Tiāu-pang(郭健一Kueh Kiàn-it)
——————————————
天邊彼粒星
thinn-pinn hit lia̍p tshinn
為何咧閃爍
uī-hô teh siám-sih
今夜閣再為你
kim-iā koh-tsài uī lí
獨相思
to̍k siunn-si
想你想你
siūnn lí siūnn lí
猶原是想你
iu-guân sī siūnn lí
叫阮怎樣
kiò gún tsuánn-iūnn
原諒我自己
guân-liōng guá tsū-kí
當初我太幼稚
tong-tshoo guá thài iù-tī
才會傷害你的心
tsiah ē siong-hāi lí ê sim
如今我來覺醒
jû-kim guá lâi kak-tshínn
才知心內只有你
tsiah tsai sim-lāi tsí-ū lí
往事隨風吹
óng-sū suî hong tshue
今生今世夢一回
kim-sing kim-sè bāng tsi̍t-huê
思念的心
su-liām ê sim
隨風輕輕飛
suî hong khin-khin pue
青春一去不再回
tshing-tshun it-khì put-tsài huê
花開花謝花落地
hue khui hue siā hue lo̍h-tē
清風明月
tshing-hong bîng-gue̍h
替阮傳情話
thè gún thuân tsîng-uē
一張無字的情批
tsi̍t-tiunn bô jī ê tsîng-phue
寫滿了阮的後悔
siá buán liáu gún ê hiō-hué
一輪相思
tsi̍t-lûn siunn-si
天涯共明月
thian-gâi kiōng bîng-gue̍h
