無緣的美夢
《無緣的美夢》Bô-iân ê Bí-bāng
詹雅雯Tsiam Ngá-bûn
——————————————
無想欲聽著的彼一項
bô siūnn-beh thiann-tio̍h ê hit tsi̍t-hāng
偏偏來鑽入耳空
phian-phian lâi tsǹg-ji̍p hīnn-khang
毋敢相信
m̄-kánn siong-sìn
咱的世界已經無相仝
lán ê sè-kài í-king bô sio-kāng
昨暝的快樂是遐迷人
tsa-mî ê khuài-lo̍k sī hiah bê-lâng
歌聲是遮輕鬆
kua-siann sī tsiah khin-sang
啊~雄雄煞來分開
ah~ hiông-hiông suah lâi hun-khui
阮怎樣甘願將伊放
gún tsuánn-iūnn kam-guān tsiong i pàng
無情的命運
bô-tsîng ê miā-ūn
你敢故意來戲弄
lí kám kòo-ì lâi hì-lāng
來戲弄阮的情緣花離欉
lâi hì-lāng gún ê tsîng-iân hue lî tsâng
袂赴講一句我愛你
buē-hù kóng tsi̍t-kù guá ài lí
目箍先紅
ba̍k-khoo sing âng
痴情換來一抱白頭鬃
tshi-tsîng uānn lâi tsi̍t-phō pe̍h thâu-tsang
無情的命運
bô-tsîng ê miā-ūn
你哪故意來戲弄
lí ná kòo-ì lâi hì-lāng
欲故意試探著阮的輕重
beh kòo-ì tshì-thàm tio̍h gún ê khin-tāng
到如今
kàu jû-kim
無奈的心肝
bô-nāi ê sim-kuann
毋敢向望
m̄-kánn ǹg-bāng
閣向望一个無緣的美夢
koh ǹg-bāng tsi̍t-ê bô-iân ê bí-bāng
