佇雨中等你
《佇雨中等你》Tī Hōo-tiong Tán Lí
詹曼鈴Tsiam Bān-lîng
——————————————
佇雨中
tī hōo-tiong
你輕輕牽起我的手
lí khin-khin khan khí guá ê tshiú
恬恬行過
tiām-tiām kiânn kuè
路邊的彼欉大樹
lōo-pinn ê hit tsâng tuā-tshiū
安慰的話
an-uì ê uē
猶講袂出喙
iáu kóng buē tshut-tshuì
雨水就已經淹目睭
hōo-tsuí tiō í-king im ba̍k-tsiu
你的溫柔
lí ê un-jiû
掰袂走離別的哀愁
pué buē-tsáu lî-pia̍t ê ai-tshiû
佇雨中大樹跤
tī hōo-tiong tuā-tshiū kha
你慢慢放開阮的手
lí bān-bān pàng-khui gún ê tshiú
我佇雨中等你
guá tī hōo-tiong tán lí
等待幸福來臨
tán-thāi hīng-hok lâi-lîm
毋驚風寒雨偌冷
m̄-kiann hong kuânn hōo guā líng
這是咱兩人的約定
tse sī lán nn̄g-lâng ê iok-tīng
我佇雨中等你
guá tī hōo-tiong tán lí
等待一生的愛情
tán-thāi it-sing ê ài-tsîng
毋管別人的眼神
m̄-kuán pa̍t-lâng ê gán-sîn
我愛你愛你
guá ài lí ài lí
轉來阮身邊
tńg-lâi gún sin-pinn
