關仔嶺戀歌
《關仔嶺戀歌》Kuan-á-niá Luân-kua
董育君Táng Io̍k-kun
——————————————
春風微微心花開
tshun-hong bî-bî sim-hue khui
手牽手來唸歌詩
tshiú khan-tshiú lâi liām kua-si
嶺頂溫泉有活氣
niá-tíng un-tsuânn ū ua̍h-khì
山頂美麗好景緻
suann-tíng bí-lē hó kíng-tì
椪柑糖蜜甜
phòng-kam thn̂g-bi̍t-tinn
四季花芳味
sù-kuì hue phang-bī
山明水秀我佮你
san-bîng tsuí-siù guá kah lí
你來疼惜我
lí lâi thiànn-sioh guá
真心送予你
tsin-sim sàng hōo lí
永永遠遠
íng-íng-uán-uán
佮你情綿綿
kah lí tsîng mî-mî
