逍遙
《逍遙》Siau-iâu
董育君Táng Io̍k-kun
——————————————
心若懸
sim nā kuân
逐袂到
jiok buē kàu
回頭看
huê-thâu khuànn
無需要
bô su-iàu
誰欲留
siáng beh lâu
誰欲走
siáng beh tsáu
有啥物好計較
ū siánn-mih hó kè-kàu
情若風
tsîng ná hong
吹就走
tshue tiō tsáu
比袂過一枝草
pí buē-kuè tsi̍t-ki tsháu
花開透
hue khui thàu
望以後
bāng í-āu
愛佮恨放水流
ài kah hūn pàng tsuí lâu
風瀟瀟
hong siau-siau
雨飄飄
hōo phiau-phiau
千山萬水來等候
tshian-san bān-suí lâi tán-hāu
夢若闊
bāng nā khuah
心袂老
sim buē lāu
月光下醉了了
gue̍h-kng hā tsuì liáu-liáu
櫻花嬌
ing-hue kiau
雪飄飄
seh phiau-phiau
胭脂水粉也無夠
ian-tsi tsuí-hún iā bô-kàu
隨雨來
suî hōo lâi
綴風走
tuè hong tsáu
天地隨我逍遙
thinn-tē suî guá siau-iâu
