我欲哭矣啦
《我欲哭矣啦》Guá Beh Khàu–ah-lah
董育君Táng Io̍k-kun
——————————————
情路慢慢仔行
tsîng-lōo bān-bān-á kiânn
無風無意外
bô hong bô ì-guā
當欲開始崎
tng-beh khai-sí peh-kiā
跤步已經行袂倚
kha-pōo í-king kiânn buē uá
你講偌愛我
lí kóng guā ài guá
我攏認真聽
guá lóng jīn-tsin thiann
戇戇一直綴你行
gōng-gōng it-ti̍t tuè lí kiânn
你煞雄雄改變路線
lí suah hiông-hiông kái-piàn lōo-suànn
我欲哭矣啦
guá beh khàu–ah-lah
你莫閣留佇遮
lí mài koh lâu tī tsia
反正無愛就準煞
huán-tsìng bô-ài tiō tsún suah
目屎無欲流予你看
ba̍k-sái bô-beh lâu hōo lí khuànn
無愛你矣啦
bô-ài lí–ah-lah
隨在你欲按怎
suî-tsāi lí beh án-tsuánn
感情一人分一半
kám-tsîng tsi̍t-lâng pun tsi̍t-puànn
反正無輸無贏
huán-tsìng bô-su bô-iânn
從今以後
tsiông-kim í-āu
莫來揣我
mài lâi tshuē guá
