女人毋是弱者
《女人毋是弱者》Lú-jîn M̄-sī Jio̍k-tsiá
董育君Táng Io̍k-kun
——————————————
遠遠傳來一首熟似的歌
hn̄g-hn̄g thuân-lâi tsi̍t-siú si̍k-sāi ê kua
予我想起彼時你佮我
hōo guá siūnn-khí hit-sî lí kah guá
當初愛我若性命
tong-tshoo ài guá ná sìnn-miā
為何如今
uī-hô jû-kim
賰我孤單行
tshun guá koo-tuann kiânn
我的心無變卦
guá ê sim bô piàn-kuà
願意一生綴你行
guān-ì it-sing tuè lí kiânn
是你貪戀虛華離開我
sī lí tham-luân hi-hua lī-khui guá
你的情顛倒寫
lí ê tsîng tian-tò siá
有時空空有時滿
ū-sî khang-khang ū-sî muá
是我戇甲看袂破
sī guá gōng kah khuànn buē-phuà
何必為情為愛來拖磨
hô-pit uī tsîng uī ài lâi thua-buâ
女人啊毋是弱者
lú-jîn–ah m̄-sī jio̍k-tsiá
