大船入港
《大船入港》Tuā-tsûn Ji̍p-káng
董育君Táng Io̍k-kun
——————————————
有時陣看感情
ū-sî-tsūn khuànn kám-tsîng
若海上的船
ná hái-siōng ê tsûn
情海漂流無停
tsîng-hái phiau-liû bô thîng
愈行愈遠
jú kiânn jú hn̄g
浮浮沉沉的過程
phû-phû-tîm-tîm ê kuè-tîng
像風吹來的緣份
tshiūnn hong tshue lâi ê iân-hūn
風若一停
hong nā tsi̍t-thîng
又閣消失佇阮面前
iū-koh siau-sit tī gún bīn-tsîng
走揣愛的人
tsáu-tshuē ài ê lâng
攏有仝款的夢
lóng ū kāng-khuán ê bāng
毋通辜負青春
m̄-thang koo-hū tshing-tshun
趕緊回航
kuánn-kín huê-hâng
相信有一工
siong-sìn ū-tsi̍t-kang
真心愛阮的人
tsin-sim ài gún ê lâng
載著幸福滿滿滿
tsài tio̍h hīng-hok buán-buán-buán
大船入港
tuā-tsûn ji̍p-káng
