執迷不悟
《執迷不悟》Tsip-bê Put-ngōo
董育君Táng Io̍k-kun
——————————————
心情咧落雨
sim-tsîng teh lo̍h-hōo
昨暝落到這下晡
tsa-mî lo̍h kàu tsit ē-poo
想欲閃
siūnn-beh siám
是按怎閃無路
sī-án-tsuánn siám bô-lōo
我的心澹糊糊
guá ê sim tâm-kôo-kôo
路燈哪遮無辜
lōo-ting ná tsiah bû-koo
陪伴我
puê-phuānn guá
徛佇路邊咧沃雨
khiā tī lōo-pinn teh ak-hōo
當做是我執迷不悟
tòng-tsuè sī guá tsip-bê put-ngōo
是我犯了錯誤
sī guá huān liáu tshò-gōo
相信你是我的倚靠
siong-sìn lí sī guá ê uá-khò
欲走做你緊走
beh tsáu tsuè lí kín tsáu
反正無你法度
huán-tsìng bô lí huat-tōo
閣再愛你
koh-tsài ài lí
天落紅雨
thinn lo̍h âng-hōo
當做是我行毋知路
tòng-tsuè sī guá kiânn m̄-tsai-lōo
是我一時糊塗
sī guá tsi̍t-sî hôo-tôo
甘願接受這款結果
kam-guān tsiap-siū tsit khuán kiat-kó
情路行到這步
tsîng-lōo kiânn kàu tsit pōo
才來後悔當初
tsiah lâi hiō-hué tong-tshoo
是我毋著
sī guá m̄-tio̍h
我會覺悟
guá ē kak-gōo
