千年愛一回
《千年愛一回》Tshian-nî Ài Tsi̍t-huê
董育君Táng Io̍k-kun
——————————————
愛情隨在伊去飛
ài-tsîng suî-tsāi i khì pue
消失會閣輪迴
siau-sit ē koh lûn-huê
感情隨在伊去飛
kám-tsîng suî-tsāi i khì pue
有緣會閣做伙
ū-iân ē koh tsò-hué
甜蜜的情話
tinn-bi̍t ê tsîng-uē
山盟換過海誓
san-bîng uānn-kuè hái-sè
勇敢就去提
ióng-kám tiō khì the̍h
有啥物好解說
ū siánn-mih hó kái-sueh
風欲按怎吹
hong beh án-tsuánn tshue
總有人會體會
tsóng ū-lâng ē thé-huē
千年愛一回
tshian-nî ài tsi̍t-huê
無啥物通後悔
bô-siánn-mih thang hiō-hué
雨水總是會過
hōo-tsuì tsóng-sī ē kuè
心情會閣美麗
sim-tsîng ē koh bí-lē
雲開看著明月
hûn khui khuànn-tio̍h bîng-gue̍h
緣份就會相揣
iân-hūn tiō ē sio-tshuē
愛情隨在伊去飛
ài-tsîng suî-tsāi i khì pue
消失會閣輪迴
siau-sit ē koh lûn-huê
感謝天地予咱
kám-siā thinn-tē hōo lán
深深愛過一回
tshim-tshim ài kuè tsi̍t-huê
感情隨在伊去飛
kám-tsîng suî-tsāi i khì pue
有緣會閣做伙
ū-iân ē koh tsò-hué
期待春天
kî-thāi tshun-thinn
咱再相會
lán tsài siong-huē
————————-
