真心祝福你
《真心祝福你》Tsin-sim Tsiok-hok Lí
葉勝欽Ia̍p Sìng-khim
——————————————
一張一張
tsi̍t-tiunn-tsi̍t-tiunn
退色的相片
thè-sik ê siòng-phìnn
予我想著你
hōo guá siūnn-tio̍h lí
將愛你的話
tsiong ài lí ê uē
永遠藏佇心肝底
íng-uán tshàng tī sim-kuann-té
雖然往事如煙
sui-jiân óng-sū jû ian
一幕幕親像電影
tsi̍t-bōo-bōo tshin-tshiūnn tiān-iánn
如今戲散
jû-kim hì suànn
人孤單
lâng koo-tuann
月娘猶有天星來做伴
gue̍h-niû iáu-ū thinn-tshinn lâi tsuè-phuānn
敢是註定
kám-sī tsù-tiānn
情路只賰我
tsîng-lōo tsí tshun guá
愛你愛你
ài lí ài lí
是一種心疼的滋味
sī tsi̍t-tsióng sim thiànn ê tsu-bī
愛情的氣味
ài-tsîng ê khì-bī
鹹酸苦澀也有甜
kiâm-sng-khóo-siap iā ū tinn
想你想你
siūnn lí siūnn lí
想甲閣哭規暝
siūnn kah koh khàu kui-mî
這段情已經放棄
tsit tuānn tsîng í-king hòng-khì
用真心祝福你
iōng tsin-sim tsiok-hok lí
真心祝福你
tsin-sim tsiok-hok lí
