倖你飛上天
《倖你飛上天》Sīng Lí Pue Tsiūnn-thinn
葉勝欽Ia̍p Sìng-khim
——————————————
將你捀佇手中心
tsiong lí phâng tī tshiú tiong-sim
有甜蜜的味
ū tinn-bi̍t ê bī
對阮要求無過份
tuì gún iau-kiû bô kuè-hūn
我全部同意
guá tsuân-pōo tông-ì
將你攬佇阮身邊
tsiong lí lám tī gún sin-pinn
夢中也會笑微微
bāng-tiong iā ē tshiò bî-bî
毋知這款幸福
m̄-tsai tsit khuán hīng-hok
會當過幾年
ē-tàng kuè kuí nî
甘願將愛情獻予你
kam-guān tsiong ài-tsîng hiàn hōo lí
甘願為你一生堅持
kam-guān uī lí it-sing kian-tshî
何必為賭氣
hô-pit uī tóo-khuì
傷害咱的情義
siong-hāi lán ê tsîng-gī
是我倖你
sī guá sīng lí
你飛上天
lí pue tsiūnn-thinn
煞來委屈著我家己
suah lâi uí-khut tio̍h guá ka-kī
愛你愛你
ài lí ài lí
永遠毋願醒
íng-uán m̄-guān tshínn
