再會啦無緣彼个人
《再會啦無緣彼个人》Tsài-huē–lah Bô-iân Hit ê Lâng
葉勝欽Ia̍p Sìng-khim
——————————————
你從來也攏無
lí tsiông-lâi iā lóng bô
對咱的感情看顧
tuì lán ê kám-tsîng khuànn-kòo
人講情深緣薄
lâng kóng tsîng tshim iân po̍h
只有來覺悟
tsí-ū lâi kak-ngōo
愛恨一場夢
ài hūn tsi̍t-tiûnn bāng
親像鴛鴦露水
tshin-tshiūnn uan-iunn lōo-tsuí
敢講傷心
kám-kóng siong-sim
是阮的名字
sī gún ê miâ-jī
啊~再會啦再會啦
ah~ tsài-huē–lah tsài-huē–lah
無緣彼个人
bô-iân hit ê lâng
前世相欠債
tsîng-sè sio-khiàm-tsè
用一世人來賠
iōng tsi̍t-sì-lâng lâi puê
啊~再會啦再會啦
ah~ tsài-huē–lah tsài-huē–lah
無緣彼个人
bô-iân hit ê lâng
期待有來世
kî-thāi ū lâi-sè
猶原愛你一个
iu-guân ài lí tsi̍t-ê
