浪子走天涯
《浪子走天涯》Lōng-tsú Tsáu Thian-gâi
楊華東Iûnn Huâ-tong (阿東)
——————————————
透早起來冷佮寒
thàu-tsá khí-lâi líng kah kuânn
冷水洗面凍心肝
líng-tsuí sué-bīn tàng sim-kuann
故鄉愛人無來看
kòo-hiong ài-jîn bô lâi khuànn
放阮規心做鱸鰻
pàng gún kui-sim tsuè lôo-muâ
社會現實無地看
siā-huē hiān-si̍t bô-tuè khuànn
面子全是看酒攤
bīn-tsú tsuân sī khuànn tsiú-thuann
這攤你請別攤我
tsit thuann lí tshiánn pa̍t-thuann guá
現金開了簽數單
hiān-kim khai liáu tshiam siàu-tuann
阮厝踮在小基隆
gún tshù tiàm-tsāi Sió-kue-lâng
環境迫阮走西東
khuân-kíng pik gún tsáu sai-tang
想著前途毋敢望
siūnn-tio̍h tsiân-tôo m̄-kánn bāng
阮是一个落魄人
gún sī tsi̍t-ê lo̍k-phik lâng
出外流浪兩三冬
tshut-guā liû-lōng nn̄g-sann tang
猶原一身輕櫳鬆
iu-guân tsi̍t-sin khin-lang-sang
無加無減一箍人
bô-ke bô-kiám tsi̍t-khoo lâng
前途茫茫心沉重
tsiân-tôo bâng-bâng sim tîm-tāng
今後決心做好囝
kim-āu kuat-sim tsuè hó-kiánn
收跤洗手顧名聲
siu-kha-sué-tshiú kòo miâ-siann
改頭換面來拍拚
kái-thâu uānn-bīn lâi phah-piànn
虎死留皮人留名
hóo sí lâu phuê lâng lâu miâ
街頭巷尾孤單行
kue-thâu hāng-bé koo-tuann kiânn
浪子苦情誰知影
lōng-tsú khóo-tsîng siáng tsai-iánn
敢是註定浪子命
kám-sī tsù-tiānn lōng-tsú miā
爸母望阮上歹命
pē-bú bāng gún siōng pháinn-miā
