拚出名
《拚出名》Piànn Tshut-miâ
楊榮輝Iûnn Îng-hui
——————————————
凡事著靠本領
huân-sū tio̍h khò pún-líng
毋免心頭凝
m̄-bián sim-thâu gîng
勇敢去雙擔肩
ióng-kám khì siang-tann king
開拓人生
khai-thok jîn-sing
冗早決定自己的方向
liōng-tsá kuat-tīng tsū-kí ê hong-hiòng
用氣力去拚前程
iōng khuì-la̍t khì piànn tsiân-tîng
無懼怕風佮湧
bô kū-phà hong kah íng
出生入死好膽量
tshut-senn ji̍p-sí hó tám-liōng
管待拄歹環境
kuán-thāi tú pháinn khuân-kíng
掠定目標向前衝
lia̍h-tiānn bo̍k-piau hiòng-tsiân tshiong
沿路的處境
iân-lōo ê tshú-kíng
遭遇一重重
tso-gū tsi̍t-tîng-tîng
漂泊的人生
phiau-po̍k ê jîn-sing
精彩的劇情
tsing-tshái ê kio̍k-tsîng
辛苦奮鬥來促成
sin-khóo hùn-tàu lâi tshiok-sîng
最後才拚成名
tsuè-āu tsiah piànn sîng-bîng
