我只為你活
《我只為你活》Guá Tsí Uī Lí Ua̍h
楊哲Iûnn Tiat
——————————————
今夜雨水
kim-iā hōo-tsuí
了解阮的心情
liáu-kái gún ê sim-tsiânn
替阮伴奏
thè gún phuānn-tsàu
哀怨的歌聲
ai-uàn ê kua-siann
怪我當初
kuài guá tong-tshoo
無共你惜命命
bô kā lí sioh-miā-miā
如今情路
jû-kim tsîng-lōo
才會隨人行
tsiah ē suî lâng kiânn
想你想到深夜
siūnn lí siūnn kah tshim-iā
夢你夢到心疼
bāng lí bāng kah sim thiànn
才知愛情到底是啥
tsiah tsai ài-tsîng tàu-té sī siánn
是一種牽掛
sī tsi̍t-tsióng khian-kuà
是一種難捨
sī tsi̍t-tsióng lân-siá
是一種思念
sī tsi̍t-tsióng su-liām
哭袂出聲
khàu buē tshut-siann
是一種探聽
sī tsi̍t-tsióng thàm-thiann
是一種折磨
sī tsi̍t-tsióng tsiat-buâ
是一種傷心
sī tsi̍t-tsióng siong-sim
目屎流焦
ba̍k-sái lâu ta
希望你會當知影
hi-bāng lí ē-tàng tsai-iánn
我的心
guá ê sim
只為你活
tsí uī lí ua̍h
因為你
in-uī lí
是我的心肝
sī guá ê sim-kuann
