等待有情天
《等待有情天》Tán-thāi Ū-tsîng Thinn
楊宗憲Iûnn Tsong-hiàn
——————————————
等待有情天
tán-thāi ū-tsîng thinn
等待月當圓
tán-thāi gue̍h tng înn
情深咧愛你
tsîng tshim teh ài lí
犧牲無算啥物
hi-sing bô sǹg siánn-mih
怎樣來表示
tsuánn-iūnn lâi piáu-sī
怎樣來愛你
tsuánn-iūnn lâi ài lí
怎樣予你來知
tsuánn-iūnn hōo lí lâi tsai
阮對你的真心
gún tuì lí ê tsin-sim
無情的愛人
bô-tsîng ê ài-jîn
踮在黃昏的窗門邊
tiàm-tsāi hông-hun ê thang-mn̂g pinn
看見海面閃閃爍爍
khuànn-kìnn hái-bīn siám-siám-sih-sih
思念親像一台相機
su-liām tshin-tshiūnn tsi̍t-tâi siòng-ki
一幕一幕
tsi̍t-bōo-tsi̍t-bōo
攏變做相片
lóng piàn-tsuè siòng-phìnn
翕出咱的過去
hip tshut lán ê kuè-khì
浮現咱的甜蜜
phû-hiān lán ê tinn-bi̍t
寫著隨風的批信
siá tio̍h suî hong ê phue-sìn
來將伊
lâi tsiong i
寄予遙遠的你
kià hōo iâu-uán ê lí
