情海駛孤帆
《情海駛孤帆》Tsîng-hái Sái Koo-phâng
楊哲Iûnn Tiat
——————————————
啉著燒酒
lim tio̍h sio-tsiú
欲來解憂愁
beh lâi kái iu-tshiû
千杯落喉
tshian-pue lo̍h-âu
鬱卒囥心頭
ut-tsut khǹg sim-thâu
一个人踮在夜半
tsi̍t-ê-lâng tiàm-tsāi iā-puànn
面對著茫茫情海
bīn-tuì tio̍h bâng-bâng tsîng-hái
思念咱的愛情咱的夢
su-liām lán ê ài-tsîng lán ê bāng
想起過去
siūnn-khí kuè-khì
你我熟似
lí guá si̍k-sāi
幸福快樂的模樣
hīng-hok khuài-lo̍k ê bôo-iūnn
如今來反面離開
jû-kim lâi huán-bīn lī-khui
親像孤鳥揣無岫
tshin-tshiūnn koo-tsiáu tshuē-bô siū
啊~無奈心疼無人知
ah~ bô-nāi sim thiànn bô-lâng tsai
燒酒一杯閣一杯
sio-tsiú tsi̍t-pue koh tsi̍t-pue
吉他聲
gì-tah siann
聲聲不該
siann-siann put-kai
引阮心碎
ín gún sim tshuì
情海駛孤帆
tsîng-hái sái koo-phâng
