甘蔗好食雙頭甜
《甘蔗好食雙頭甜》Kam-tsià Hó-tsia̍h Siang-thâu Tinn
楊小萍Iûnn Sió-phîng
——————————————
王梨好食嘛
ông-lâi hó-tsia̍h–mah
酸又甜欸
sng iū tinn–eh
阿娘看人嘛
a-niû khuànn lâng–mah
使目箭
sái-ba̍k-tsìnn
害我心頭嗶噗彈
hāi guá sim-thâu phi̍t-pho̍k tuānn
心肝親像火燒山
sim-kuann tshin-tshiūnn hué-sio-suann
想欲去問伊
siūnn-beh khì mn̄g i
啥物名咧
siánn-mih miâ–leh
可惜哪會無勇氣
khó-sioh ná ē bô ióng-khì
毋敢來表示
m̄-kánn lâi piáu-sī
戇戇來看著伊
gōng-gōng lâi khuànn tio̍h i
恬恬來離開欸
tiām-tiām lâi lī-khui–eh
戇戇看著伊
gōng-gōng khuànn tio̍h i
嘿!恬恬來離開
heh! tiām-tiām lâi lī-khui
蘋果好食嘛
phōng-kó hó-tsia̍h–mah
甜又芳欸
tinn iū phang–eh
阿娘實在是真麗倒
a-niû si̍t-tsāi sī tsin lè-táu
害我每日心茫茫
hāi guá muí-ji̍t sim bâng-bâng
害我每暗來眠夢
hāi guá muí-àm lâi bîn-bāng
在夢內佮伊情意重欸
tsāi bāng-lāi kah i tsîng-ì tang–eh
可惜醒來無半項
khó-sioh tshínn–lâi bô-puànn-hāng
一場的空夢
tsi̍t-tiûnn ê khang-bāng
戇戇來為著伊
gōng-gōng lâi uī-tio̍h i
每暗來眠夢
muí-àm lâi bîn-bāng
嘿!戇戇為著伊
heh! gōng-gōng uī-tio̍h i
啊每暗來眠夢
ah muí-àm lâi bîn-bāng
甘蔗好食嘛
kam-tsià hó-tsia̍h–mah
雙頭甜喔
siang-thâu tinn–ooh
阿娘對阮嘛
a-niû tuì gún–mah
有情義
ū tsîng-gī
我的心內暗歡喜
guá ê sim-lāi àm huann-hí
你的心花放心開
lí ê sim-hue pàng-sim khui
咱雙人相愛
lán siang-lâng siong-ài
情綿綿欸
tsîng mî-mî–eh
相招來到運河邊
sio-tsio lâi-kàu ūn-hô pinn
談情到深更
tâm-tsîng kàu tshim-kinn
永遠做好伴侶
íng-uán tsuè hó phuānn-lī
永遠無分離
íng-uán bô hun-lî
啊~永遠好伴侶
ah~ íng-uán hó phuānn-lī
啊~永遠無分離
ah~ íng-uán bô hun-lî
永遠無分離
íng-uán bô hun-lî
