日日相思夜夜嘆
《日日相思夜夜嘆》Ji̍t-ji̍t Siunn-si Iā-iā Thàn
楊小萍Iûnn Sió-phîng
——————————————
秋風吹來冷冰冰
tshiu-hong tshue–lâi líng ping-ping
孤床獨枕心頭凝
koo tshn̂g to̍k tsím sim-thâu gîng
為何阮會遮不幸
uī-hô gún ē tsiah put-hīng
怨身慼命捶胸前
uàn sin tsheh miā tuî hing-tsîng
當初我君情意厚
tong-tshue guá kun tsîng-ì kāu
按算佮伊好到老
àn-sǹg kah i hó kàu lāu
誰知運命做對頭
siáng tsai ūn-miā tsuè tuì-thâu
一場美夢變水泡
tsi̍t-tiûnn bí-bāng piàn tsuí-phau
月娘光光照紗窗
gue̍h-niû kng-kng tsiò se-thang
親像勸阮免怨嘆
tshin-tshiūnn khǹg gún bián uàn-thàn
愛情既然無希望
ài-tsîng kì-jiân bô hi-bāng
傷心也是無彩工
siong-sim iā-sī bô-tshái-kang
