勸世謠
《勸世謠》Khuàn-sè Iâu
楊小萍Iûnn Sió-phîng
——————————————
世情我是看上現
sè-tsîng guá sī khuànn siōng hiān
勸恁阿伯仔佮少年
khǹg lín a-peh–á kah siàu-liân
看人富貴啊免欣羨
khuànn lâng hù-kuì–ah bián him-siān
一日無事小神仙
tsi̍t-ji̍t bô-sū sió sîn-sian
牛是快牽人僫料
gû sī khuài khan lâng oh liāu
無福趁錢嘛居袂牢
bô-hok, thàn-tsînn mā ki buē-tiâu
萬項著愛看予透
bān-hāng tio̍h-ài khuànn hōo thàu
有通食穿就算真?
ū-thong tsia̍h-tshīng tiō sǹg tsin gâu
毋通欲食毋討趁
m̄-thang beh tsia̍h m̄ thó-thàn
誤了青春一世人
gōo liáu tshing-tshun tsi̍t-sì-lâng
無囝無兒通向望
bô-kiánn bô-jî thang ǹg-bāng
身苦病疼喝救人
sin-khóo pīnn-thiànn huah kiù-lâng
做人勇健是第一好
tsuè-lâng ióng-kiānn sī tē-it hó
五臟六腑愛調和
ngóo-tsōng lio̍k-hú ài tiâu-hô
身軀有病翹翹倒
sin-khu ū pīnn khiàu-khiàu tó
山珍海味嘛食袂落
san-tin-hái-bī mā tsia̍h buē-lo̍h
驚某驚甲
kiann-bóo kiann kah
若佇咧驚雷公
ná tī-leh kiann luî-kong
對待爸母
tuì-thāi pē-bú
是遐無量
sī hiah bô-liōng
這款的人傷懵懂
tsit khuán ê lâng siunn bóng-tóng
予伊會好嘛天不從
hōo i ē hó mah thian put tsiông
做人有孝是根本
tsuè-lâng iú-hàu sī kin-pún
不孝社會人議論
put-hàu, siā-huē lâng gī-lūn
做事若有照五倫
tsuè-sū nā ū tsiàu ngóo-lûn
包你會出好囝孫
pau lí ē tshut hó kiánn-sun