相逢的臺西港
《相逢的臺西港》Siong-hông ê Tâi-se-káng
陳聖芬Tân Sìng-hun
——————————————
大船新噹噹
tuā-tsûn sin tang-tang
有船無人工
ū tsûn bô lâng-kang
暫時靠在
tsiām-sî khò tsāi
阮彼个臺西的小港
gún hit ê Tâi-se ê sió káng
看無好日通出帆
khuànn-bô hó-ji̍t thang tshut-phâng
有情妹妹會來送
ū-tsîng muē-muē ē lâi sàng
送兄離開臺西港
sàng hiann lī-khui Tâi-se-káng
離開雖然真毋甘
lī-khui sui-jiân tsin m̄-kam
心肝袂來想別人
sim-kuann buē lâi siūnn pa̍t-lâng
大船水螺吼三聲
tuā-tsûn tsuí-lê háu sann-siann
小螺放落船起行
sió-lê pàng–lo̍h tsûn khí-kiânn
船內的人
tsûn lāi ê lâng
攏知影妹來送兄
lóng tsai-iánn muē lâi sàng hiann
期待相逢臺西港岸
kî-thāi siong-hông Tâi-se-káng huānn
