深情的探戈
《深情的探戈》Tshim-tsîng ê Thàn-gòo
陳盈潔Tân Îng-kiat
——————————————
今夜的路燈光微微
kim-iā ê lōo-ting kng bî-bî
伴阮在冷冷深更
phuānn gún tsāi líng-líng tshim-kinn
為著欲等你來阮身邊
uī-tio̍h beh tán lí lâi gún sin-pinn
閣較久也願意
koh-khah kú iā guān-ì
車窗外露水一滴滴
tshia-thang guā lōo-tsuí tsi̍t-tih-tih
若親像阮的珠淚
ná-tshin-tshiūnn gún ê tsu-luī
若毋是為著深深的情意
nā m̄-sī uī-tio̍h tshim-tshim ê tsîng-ì
阮也袂等到半暝
gún iā buē tán kàu puànn-mî
時間一分一秒咧過去
sî-kan tsi̍t-hun tsi̍t-bió teh kuè–khì
猶原看無你的人到位
iu-guân khuànn-bô lí ê lâng kàu-uī
到底是你有代誌走袂開
tàu-té sī lí ū tāi-tsì tsáu buē-khui
抑是你已經放袂記
ia̍h-sī lí í-king pàng-buē-kì
到底阮在你心目中
tàu-té gún tsāi lí sim-bo̍k-tiong
怎樣的地位
tsuánn-iūnn ê tē-uī
阮也是想攏袂開
gún iā-sī siūnn lóng buē-khui
