收酒矸
《收酒矸》Siu Tsiú-kan
陳明章Tân Bîng-tsiong
——————————————
阮是十三囡仔癉
gún sī tsa̍p-sann gín-á-tan
自細爸母就真散
tsū-suè pē-bú tiō tsin sàn
為著生活毋敢懶
uī-tio̍h sing-ua̍h m̄-kánn nuā
每日出去收酒矸
muí-ji̍t tshut-khì siu tsiú-kan
有酒矸通賣無
ū tsiú-kan thang bē–bô
歹銅舊錫
pháinn-tâng kū-siah
簿仔紙通賣無
phōo-á-tsuá thang bē–bô
每日透早就出門
muí-ji̍t thàu-tsá tiō tshut-mn̂g
家家戶戶去共問
ke-ke-hōo-hōo khì kā mn̄g
為著拍拚顧三頓
uī-tio̍h phah-piànn kòo-sann-tǹg
毋驚路頭怎樣遠
m̄-kiann lōo-thâu tsuánn-iūnn hn̄g
有酒矸通賣無
ū tsiú-kan thang bē–bô
歹銅舊錫
pháinn-tâng kū-siah
簿仔紙通賣無
phōo-á-tsuá thang bē–bô
頂日去踅太平通
tíng-ji̍t khì se̍h Thài-pîng-thong
今日就行大龍泵
kim-ji̍t tiō kiânn Tuā-lông-pōng
為著生活會妥當
uī-tio̍h sing-ua̍h ē thò-tòng
毋驚大雨佮大風
m̄-kiann tuā-hōo kah tuā-hong
有酒矸通賣無
ū tsiú-kan thang bē–bô
歹銅舊錫
pháinn-tâng kū-siah
簿仔紙通賣無
phōo-á-tsuá thang bē–bô
