愛你在心內
《愛你在心內》Ài Lí Tsāi Sim-lāi
陳怡婷Tân Î-tîng
——————————————
(阮)想著熟似你開始
(gún) siūnn-tio̍h si̍k-sāi lí khai-sí
快樂寫佇我的表情
khuài-lo̍k siá tī guá ê piáu-tsîng
心內的歡喜
sim-lāi ê huann-hí
講袂出喙
kóng buē tshut-tshuì
想欲飛到你身邊
siūnn-beh pue kàu lí sin-pinn
相信時間會證明
siong-sìn sî-kan ē tsìng-bîng
是我對愛的堅持
sī guá tuì ài ê kian-tshî
戇戇的情意
gōng-gōng ê tsîng-ì
等你來表示
tán lí lâi piáu-sī
對你的愛
tuì lí ê ài
一直囥佇心內
it-ti̍t khǹg tī sim-lāi
我歹勢講出來
guá pháinn-sè kóng–tshut-lâi
一句關心的晚安
tsi̍t-kù kuan-sim ê buán-an
佮貼心的關懷
kah tah-sim ê kuan-huâi
是我每日的期待
sī guá muí-ji̍t ê kî-thāi
對你的愛
tuì lí ê ài
從來攏袂變卦
tsiông-lâi lóng buē piàn-kuà
但你攏無了解
nā lí lóng bô liáu-kái
毋管佇啥物所在
m̄-kuán tī siánn-mih sóo-tsāi
抑是未知的未來
ia̍h-sī bī-ti ê bī-lâi
永遠愛你在心內
íng-uán ài lí tsāi sim-lāi
